A   A   A
Медеу ауданы
әкімінің аппараты
Алматы қаласы Медеу ауданы әкімі аппаратының интернет-ресурсына қош келдіңіздер!
Әкімге сұрақ
Cұрақ қою
Жаңалықтар мұрағаты
Дү Се Сә Бс Жм Се Же
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4
  • Негізгі бет
  • Оқиғалар
  • Алматыда астананың 20 жылдығы құрметіне Астананың қалыптасуына үлес қосқан қазақстандықтар марапатталды
Оқиғалар ОҚИҒАЛАР

Алматыда астананың 20 жылдығы құрметіне Астананың қалыптасуына үлес қосқан қазақстандықтар марапатталды
Алматыда астананың 20 жылдығы құрметіне Астананың қалыптасуына үлес қосқан қазақстандықтар марапатталды

Республика Сарайында астананың 20 жылдығы құрметіне Алматыда тұрған немесе туылған және еліміздің бас қаласы Астананың қалыптасуына үлес қосқан қайраткерлерді «Астана - ардағым» сыйлығымен марапттау салтанаты өтті.

Осыдан тура 20 жыл бұрын, 10 желтоқсанда Мемлекет басшысы Н.Ә.Назарбаевтың Жарлығымен Қазақстан Республикасының астанасы болып Астана қаласы жарияланды. Алматы қаласының әкімі Бауыржан Байбек өзінің сөзінде Елбасының астананы көшіру туралы бастамасы еліміз үшін күрделі 90 жылдары туындағанын атап өтті. Сол кезде осынау теңдесі жоқ ойдың шындыққа айналатынына көпшілік сене қойған жоқ. Бірақ, тарихтың өзі жас әрі тәуелсіз мемлекет үшін бұл шешімнің қаншалықты өміршең әрі көрегендік екенін дәлелдеді.

«Бүгінгі күні Астана - қалыптасқан саяси орталық, жаңғыру символы және өзге өңірлерге үлгі. Астана әлем таныған қалаға айналды, Елбасының аса зор халықаралық беделі арқасында мұнда ЕҚЫҰ-ның, Ислам ынтымақтастығы ұйымдарының саммиттері, Азияда өзара ынтымақтастық және сенім шаралары бойынша Кеңес, әлемдік және дәстүрлі дін басшыларының съездері өтті. Астанада халықаралық ЭКСПО- 2017 көрмесінің өтуі елеулі әлемдік оқиға болды. Ғасырлар түйіскенде Қазақстан астанасын көшірген әрі қаланы «қолдан жасаған» алғашқы мемлекетке айналды. Президент айтқандай, «өте ауыр 1990-шы жылдары Астана бізді қанаттандырды,үміт отын жақты және үлкен қиындықтарды жеңе білуге үйретті», - деп атап өтті Б.Байбек.

Қала әкімі Алматыда Тәуелсіздік жарияланғанын,Конституцияның қабылданғанын, ұлттық валютаның енгізілгенін,мемлекеттік рәміздердің бекітілгенін қадап тұрып айтты. Алматы қазіргі кезде қаржы және экономикалық магнит ретінде еліміздің саяси орталығы Астананы үйлесімді толықтыра түсуде.


«Алматылықтар – ғылым, білім, өнер, спорт қайраткерлері, әрине, мемлекеттік қызметкерлер алғашқылардың бірі болып Астананың іргесін қалады және барша қазақстандықтармен бірге жас астананың қалыптасуына зор үлес қосты. Біз сол үшін үнемі мақтанамыз! Астананы көшіру Еуразия жүрегінде жаңа әрі заманауи қаланың пайда болуына ықпал етті, Алматыға жаңа өмірлік леп әкелді. Біздің қаламыз Орта Азиядағы ірі мегаполиске, еліміздің іскерлік орталығына айналып, «орта тапқа» қуатты серпін берді. Елбасының тұрақты қолдауы арқасында мәдениет, білім, спорт, туризм дамуда. Қаламыздың келбеті де өзгерді - инфрақұрылым жаңғырды, заманауи нысандар, мектептер, бала бақшалар, ауруханалар салынды. Алматы аумағы екі есеге ұлғайды, екі жаңа - Алатау және Наурызбай аудандары пайда болды. Бүгінгі күні біз европалық стандарт бойынша қала кеңістігін барынша ауқымды түрде жаңғыртудамыз», - деп атап өтті Бауыржан Байбек.


Астана – Ардағым» сыйлығы 20 категория бойынша берілді, олар - білім мен ғылым, сәулет пен құрылыс, денсаулық сақтау, спорт, өнер, кинематография, журналистика және әдебиет салалары. Бұрындары номинанттарды іріктеу конкурстық комиссияның http://astana.ardaq.kz/ сайтында ашық дауыс берулері арқылы жүзеге асты.


Сонымен, астананың қалыптасуына үлес қосқандары үшін «Астана - ардағым» сыйлығының лауреаттары атанғандар:

1. Астананың ғылым саласының дамуына қосқан үлесі үшін – Орталық мемлекеттік музейдің директоры Нұрсан Әлімбай;

2. Астананың спорт саласының дамуына қосқан үлесі үшін - Қазақстанның еңбек сіңірген жаттықтырушысы, қоғам қайраткері Темірхан Досмұхамбетов;

3. Астананың денсаулық сақтау саласының дамуына қосқан үлесі үшін – Алматыдағы №1 перзентхананың бас дәрігері Наурызбай Рақышев;

4. Астананың білім саласының дамуына қосқан үлесі үшін -Еуразия Ұлттық университетінің алғашқы ректоры Мырзатай Жолдасбеков;

5. Астананың құрылыс саласының дамуына қосқан үлесі үшін - «Базис-А» директорлар Кеңесінің төрағасы Александр Белович, инженер- құрылысшы Осман Шаханов;

6. Астананың сәулет саласының дамуына қосқан үлесі үшін – Қазақстан Сәулетшілер одағының төрағасы, "Астана-Бәйтерек" монументінің авторы Ақмырза Рустембеков;

7. Астананың инновация саласының дамуына қосқан үлесі үшін - дәрігер,инфекционист Қарлығаш Әбдиева;

8. Астананың өнер саласының дамуына қосқан үлесі үшін – ҚР Көркемөнер академиясының мүшесіі Амандос Ақанаев, Қазақстанның еңбек сіңірген қайраткері, Астана қаласындағы Абай ескерткішінің авторы Болат Досжанов және «Құралай» сән үйінің директоры Құралай Нұрқаділова;

9. Астананың әдебиет саласының дамуына қосқан үлесі үшін – жазушы және халықаралық «Алаш» сыйлығының иегері Рамазан Думан, ақын Райымбек Маралтай;

10. Астананың ақпарат саласының дамуына қосқан үлесі үшін - «Айқын» газетінің бас редакторы Нұртөре Жүсіп, ҚР Журналистер Одағы сыйлығының иегері Максим Золотухин және 31-ші арнаның бас продюсері Нұржан Мұхамеджанова;

11. Астананың кинематоргафия саласының дамуына қосқан үлесі үшін - ҚР еңбек сіңірген қайраткері Ермек Шынарбаев және актер Әділ Ахметов;

12. Астананың музыка саласының дамуына қосқан үлесі үшін - «Астана- арман қала» әнінің авторы Марат Омаров және ҚР-ның халық артисі Нағима Есқалиева.

Еске салсақ, келер жылы – Қазақстан астанасы үшін мерейлі жыл. Алматыда Астананың 20 жылдығын мерекелеуге арналған бірқатар ауқымды мәдени шаралар-концерттер, фестивальдер, көрмелер өткізу жоспарланған.



11.12.2017