A   A   A
Медеу ауданы
әкімінің аппараты
Алматы қаласы Медеу ауданы әкімі аппаратының интернет-ресурсына қош келдіңіздер!
Әкімге сұрақ
Cұрақ қою
Жаңалықтар мұрағаты
Дү Се Сә Бс Жм Се Же
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
  • Негізгі бет
  • Оқиғалар
  • Б.Байбек - Алматыда құрылыс нысандарын салудың басты әлеуеті сапа мен сейсмикалық төзімділік болуы тиіс
Оқиғалар ОҚИҒАЛАР

Б.Байбек - Алматыда құрылыс нысандарын салудың басты әлеуеті сапа мен сейсмикалық төзімділік болуы тиіс

Б.Байбек - Алматыда құрылыс нысандарын салудың басты әлеуеті сапа мен сейсмикалық төзімділік болуы тиіс

21 сәуір 2017

Алматы әкімі типтік және жеке жобаларды жасайтын, нысандардың сейсмикалық төзімділігін анықтайтын, құрылыста заманауи ақпараттық технологияны қолдануды зерттейтін Қазақ құрылыс және сәулет ғылыми -зерттеу, жобалау институтының жұмысымен танысты. Бауыржан Байбек қала басшылығы үшін Алматыда құрылыс нысандарын салудың басты әлеуеті сапа мен сейсмикалық төзімділік болуы тиіс екендігін ерекше атап өтті.

«ҚазҚҒЗЖИ» бас директоры Нұрлан Уранхаев құрылыстың сейсмикалық төзімділігін анықтауда, сейсмикалығы 9 және одан жоғары балл болатын алаңдарға салынатын көпқабатты нысандарды арнайы техникалық жағдайларға сай жобалауда институттың көш бастап тұрғанын айтты.

Бүгінгі күні институт мамандары салынған нысандардың сейсмикалық төзімділігін анықтаумен және ғимараттарды жобалауда олардың түрлі жайттарға қатысты мықтылығын арттыру бойынша нұсқау беру жұмыстарымен айналысуда. Осы орайда олар жобалаудың озық әдістерін және BIM-технологиясы мен Eurocodeні қолдана отырып, 3D моделін жүзеге асыруда.

«Өзімнің жеке тәжірибеме сүйене отырып айтарым, BIM-технологиясын қолдану жоба сапасын арттырумен қатар, оның тиімділігін және жобалау барысында ешқандай қатенің кетпеуін, болашақ нысан жобасын барынша көрнекілігін қамтамасыз етумен қатар кететін шығынды нақты анықтауға мүмкіндік береді. Мұның басты ерекшелігі салынатын нысан бірыңғай жобаланады. Оның кез- келген бір паметрі өзгерсе, қалғандары автоматты түрде өзгеріске ұшырайды, тіптіп жасалған сызығына,визуалдығы мен күнтізбелік кестесіне дейін», - деді Нұрлан Уранхаев.

Естеріңізге сала кетейік, Алматы әкімі осыдан екі апта бұрын Токиоға жасаған сапарында Жапонияның сәулет- құрылыс компанияларының бес үздіктерінің қатарындағы «Симидзу» сейсиологиялық ғылыми- зерттеу орталығының жұмысымен танысқан болатын.

Жапондық мамандар сейсмиология тарихындағы ең ірі жер асты дүмпулерін анықтай алатын симулятор жасап шығарды. Соның арқасында жеке ғылыми орталық жер асты сілкіністерін зерттеп, нысандарды жобалаушыларға өздерінің нұсқауларын беріп отырады.

Өзінің жұмыс сапары барысында Бауыржан Байбек жапондық тәжірибені үйренуді, Алматыда осындай симуляторы бар зертхананы құру мүмкіндігін қарастыруды тапсырды.

21.04.2017